BAKI, AzerVoice
Avropa İttifaqına üzv olan ölkələrin əhalisi 450 milyonu keçib.
AzerVoice xəbər verir ki, Avropa
Statistika İdarəsi (Eurostat) tərəfindən açıqlanan rəsmi
məlumatlara görə, Avropa İttifaqına (Aİ) üzv olan 27 ölkənin ümumi
əhalisi 2025-ci ilin əvvəlində 450,4 milyon nəfərə çatıb.
Bu rəqəm 2024-cü ilin əvvəli ilə müqayisədə 1,1 milyon nəfər artım
deməkdir.
Əhali sayına görə Aİ-nin lider ölkəsi 83,6 milyon nəfərlə Almaniyadır. Onu 68,6 milyonla Fransa, 58,9 milyonla İtaliya, 49,1 milyonla İspaniya və 36,5 milyonla Polşa izləyir. Ən az əhalisi olan ölkələr isə 574 min nəfərlə Malta və 681 min nəfərlə Lüksemburqdur.
Qeyd edək ki, Aİ-də əhali artımı əsasən COVID-19 pandemiyasından sonrakı miqrasiya axını ilə əlaqələndirilir. Beləliklə, 2021-ci ildən sonra Aİ əhalisi dörd il ardıcıl olaraq artmaqdadır.
