BAKI, AzerVoice
Kamerunun hazırkı prezidenti, 92 yaşlı Pol Biya bu il prezident seçkilərində namizəd olduğunu elan edib.
AzerVoice xəbər verir ki, bu barədə o "X" sosial şəbəkəsində yazıb.
“Əmin olun ki, sizə xidmət etmək əzmim qarşılaşdığımız problemlərin ciddiliyi ilə mütənasibdir” – deyə, Biya bildirib.
Qeyd edək ki, 92 yaşlı Biya artıq 43 ildir (1982-ci ilin payızından bəri) fasiləsiz şəkildə dövlət başçısı postunu tutur.
Əlavə edək ki, Kamerunda prezident seçkiləri bu il oktyabrın 12-də keçiriləcək. Seçkilər bir turda baş tutur və sadə səs çoxluğu qazanan namizəd qalib sayılır. Prezidentlik müddəti yeddi ildir.
