BAKI, AzerVoice
Donald Tramp "Wall Street Journal" qəzetinə qarşı 10 milyard dollarlıq iddia qaldırıb.
AzerVoice xəbər verir ki, ABŞ
prezidenti Donald Tramp media maqnatı Rupert Merdoka məxsus "Wall
Street Journal" qəzetini milyarder və məhkum edilmiş cinsi
istismarçı Ceffri Epşteynlə əlaqəli yalan məlumat yaymaqda ittiham
edərək məhkəməyə verib.
O, qəzetin Epşteynə 2003-cü ildə guya onun tərəfindən yazılmış
məktub barədə məlumatını "böhtan və saxtakarlıq" adlandırıb. Tramp
bu xəbərin yayılmasının ertəsi günü qəzetə qarşı 10 milyard
dollarlıq iddia irəli sürüb.
Qeyd edək ki, Tramp administrasiyası daha əvvəl Epşteyn işi ilə bağlı sənədlərin açıqlanacağını vəd etsə də, Ədliyyə Departamenti sonradan federal məhkəmədən stenoqramların açıqlanmasını tələb etməkdən imtina edib. Bu məsələ Tramp və onun tərəfdarları arasında ciddi fikir ayrılığı yaradıb.
