BAKI, AzerVoice
El Salvadorda saxlanılan venesuelalı məhbuslar vətənlərinə deportasiya edilib.
AzerVoice xəbər verir ki, El
Salvadorun CECOT həbsxanasında saxlanılan və ABŞ tərəfindən Tren de
Aragua cinayət təşkilatına üzv olmaqda ittiham edilən 250-dən çox
venesuelalı məhbus Venesuelaya qaytarılıb.
Prezident Nayib Bukele bildirib ki, bu deportasiya mart ayında
Tramp administrasiyasının təşəbbüsü ilə Venesuela ilə əldə olunmuş
mübadilə razılaşmasına əsasən həyata keçirilib. Müqavilə
çərçivəsində 10 ABŞ vətəndaşı və bir sıra venesuelalı siyasi
məhbuslar da azad olunub.
Qeyd edək ki, CECOT – “Centro de Confinamiento del Terrorismo” adlı xüsusi təhlükəsizlik həbsxanası El Salvadorda terror və ağır cinayət ittihamı ilə saxlanılan məhkumlar üçün nəzərdə tutulub və regionun ən sərt rejimli həbsxanalarından biri hesab olunur.
