BAKI, AzerVoice
Wipha tayfunu Honq-Konqu vurub - Çində "T10" xəbərdarlığı verilib.
AzerVoice xəbər verir ki, Wipha
tayfunu Honq-Konqu vurduqdan sonra Quanqdonq əyalətinə doğru
hərəkət edərək Çində fırtına təhlükəsini artırıb.
Tayfunun təsiri ilə 26 nəfər xəsarət alıb, uçuşlar və bərə reysləri
ləğv olunub, məktəblər bağlanıb. Honq-Konqda küləyin sürəti saatda
167 kilometrə çatıb və ölkə üçün ən yüksək səviyyəli "T10"
xəbərdarlığı elan olunub.
Rəsmilər daşqın və sürüşmə təhlükəsi ilə bağlı sakinləri evdə qalmağa çağırıb. Çin Meteorologiya İdarəsi Quanqdonq əyaləti üçün dörd mərhələli xəbərdarlıq sistemində ikinci ən yüksək səviyyə olan "narıncı həyəcan" siqnalını aktivləşdirib.
Qeyd edək ki, Honq-Konqda T10 xəbərdarlığı sonuncu dəfə 2023-cü ildə elan edilmişdi. Hazırkı vəziyyət səbəbilə liman və hava nəqliyyatı dayandırılıb, yüzlərlə reys təxirə salınıb.
