BAKI, AzerVoice
Ağ Evin sözçüsü Karoline Leavitt jurnalistlərə verdiyi açıqlamada İsrailin Suriyaya və Qəzzaya yönəlik hücumlarını dəyərləndirib.
AzerVoice xəbər verir ki, Ağ Ev ABŞ prezidenti Donald Trampın İsrailin Suriyaya hava zərbələri və Qəzzada kilsəyə hücumundan xəbərsiz olduğunu bildirib.
“Prezident nə Suriyadakı bombardmanlardan, nə də Qəzzadakı Katolik kilsəsinin vurulmasından xəbərdar idi.” - deyə Leavitt bildirib.
Hər iki hadisədən sonra Trampın İsrailin Baş naziri Benyamin Netanyahuyla əlaqə saxladığını deyən Leavitt, “Prezident bu vəziyyətlərin düzəldilməsi üçün dərhal Baş nazirə zəng etdi,” – deyə bildirib.
İsrail ordusunun 17 iyulda Qəzzə şəhərinin şimalındakı Müqəddəs Ailə Kilsəsini hədəf alan hücumunda 3 nəfər həyatını itirib, azı 10 nəfər yaralanıb. İsrailin bu hücumu geniş tənqidlərə səbəb olub.
ABŞ-da bəzi Ağ Ev rəsmilərinin, Suriyada Prezident sarayı, Baş Qərargah və Müdafiə Nazirliyini vuran İsrailin Baş naziri Netanyahunun gələcəkdə atacağı addımlarla bağlı narahat olduqları iddia olunub.
Bəzi Ağ Ev rəsmiləri Tramp administrasiyasında Netanyahuyə qarşı artan bir “şübhəçilik” olduğunu qeyd ediblər.
