BAKI, AzerVoice, Səməd Əyyubov
Suriyanın xarici işlər naziri Əsəd Həsən Şeybani və onu müşayiət edən nümayəndə heyəti Moskvada Rusiya Prezidenti Vladimir Putinlə görüş keçirib.
AzerVoice xəbər verir ki, bu barədə Suriya dövlət xəbər agentliyi (SANA) məlumat yayıb.
Səfər çərçivəsində Şeybani həmçinin Rusiya xarici işlər naziri Sergey Lavrovla da görüşüb.
Suriya nümayəndə heyətinin tərkibində müdafiə naziri Mərhaf Əbu Kasra, Baş Kəşfiyyat İdarəsinin rəhbəri Hüseyn Salamə, xarici işlər nazirinin müşaviri İbrahim əl-Ulabi və nazir aparatının rəhbəri Muhsen Mahbaş da yer alıb.
Rəsmi görüşlər çərçivəsində nümayəndə heyəti Rusiya müdafiə naziri Andrey Belousovla da danışıqlar aparıb. Görüşdə hərbi sahədə əməkdaşlıq və qarşılıqlı maraq doğuran məsələlər müzakirə olunub.
Qeyd edək ki, bu, Suriyanın yeni hakimiyyətini təmsil edən nümayəndələrin Rusiyaya ilk rəsmi səfəridir.
