BAKI, Azervoice, Nərmin Ağayeva
Rusiya artıq raket məhdudiyyətlərini nəzərə almır.
Azervoice xəbər verir ki, Kremlin sözçüsü Dmitri Peskov, Rusiyanın orta və yaxın mənzilli raket sistemlərinə qoyulan moratoriumdan çıxdığını və bundan sonra bu istiqamətdə hər hansı məhdudiyyət tanımayacağını bəyan edib.
Peskov Moskvada jurnalistlərin suallarını cavablandırarkən qeyd edib ki, ABŞ-ın bəzi ölkələrə Rusiya ilə ticarəti dayandırmaq üçün təzyiq göstərməsini qanunsuz sayırlar və hər bir suveren dövlətin öz ticarət tərəfdaşını seçmək hüququna malik olduğunu bildiriblər.
Peskov əlavə edib ki, raketlərin yerləşdirilməsi məsələsi həssas olduğundan bu barədə konkret açıqlama gözləmək düzgün olmaz.
Qeyd edək ki, Rusiya Xarici İşlər Nazirliyi ötən gün orta və yaxın mənzilli raketlərə dair moratoriuma əməl etməyəcəyini açıqlayaraq, bu məhdudiyyətin saxlanması üçün zəruri şərtlərin aradan qalxdığını bildirmişdi.
