BAKI, AzerVoice, Nərmin Ağayeva
İndoneziyanın Sumatra adasında yerləşən Marapi vulkanı yenidən püskürüb.
AzerVoice xəbər verir ki, püskürmə nəticəsində səmaya qalxan kül buludları bölgədə görmə qabiliyyətini azaldıb. Səlahiyyətlilər vulkanın 3 dekabr 2023-cü ildən bəri 450-dən çox püskürmə həyata keçirdiyini bildirib. Fövqəladə tədbirlər çərçivəsində krateri əhatə edən 3 kilometrlik əraziyə giriş və bütün fəaliyyətlər qadağan edilib. Yerli əhali kül yağması və lava axınları riskinə qarşı xəbərdar edilib.
Qeyd edək ki, Marapi vulkanı İndoneziyanın ən fəal vulkanlarından biridir və bölgədə yaşayanlar üçün mütəmadi olaraq təhlükə yaradır.
