BAKI, AzerVoice, Nərmin Ağayeva
Böyük Britaniya, ABŞ-Rusiya sammiti ərəfəsində Aİ liderlərini ehtiyatlı olmağa çağırıb.
AzerVoice xəbər verir ki, “The Telegraph” qəzetinin məlumatına görə, London hökuməti Avropa İttifaqı liderlərinə, xüsusilə Fransa prezidenti Emmanuel Makron, Almaniya kansleri Fridrix Merz və Aİ-nin xarici işlər üzrə ali nümayəndəsi Kaja Kallas kimi rəsmilərə Ukrayna məsələsində ictimai tələblər irəli sürməməyi tövsiyə edib. Britaniya rəsmiləri hesab edir ki, bu cür çıxışlar ABŞ prezidenti Donald Trampı qəzəbləndirərək Avropanı danışıqlardan kənarda qoya bilər.
Baş nazirin ofisindəki mənbələr bildiriblər ki, Trampa təsir etməyin ən effektiv yolu pərdəarxası diplomatik kanallardan istifadədir. Məlumata görə, Britaniyanın baş naziri Keir Starmer də avqustun 9-da Aİ-nin yaydığı birgə bəyanatdan sonra açıq şərh verməkdən imtina edərək danışıqlara gizli təsir göstərməyə üstünlük verib.
Qeyd edək ki, Donald Tramp və Vladimir Putin avqustun 15-də Alyaskada Ukraynadakı müharibənin dayandırılması ilə bağlı danışıqlar aparmaq üçün görüşəcək.
