BAKI, AzerVoice, Səməd Əyyubov
Avropanın aparıcı ölkələrinin liderləri, NATO rəhbərliyi və Avropa Komissiyasının sədri Ukrayna münaqişəsinin həlli yollarını müzakirə etmək üçün sentyabrın 4-də Parisdə toplaşacaqlar.
AzerVoice-un məlumatına görə, Fransa prezidenti Emmanuel Makronun təşəbbüsü ilə keçiriləcək görüşdə Böyük Britaniyanın baş naziri Kir Starmer, Almaniya kansleri Fridrix Mers, NATO-nun baş katibi Mark Rütte və Avropa Komissiyasının sədri Ursula fon der Lyayen iştirak edəcəklər.
Tərəflər Ukraynanın təhlükəsizliyi ilə bağlı təminatların müzakirəsini davam etdirəcəklər.
Bundan əvvəl, Almaniya kansleri Fridrix Mers bildirmişdi ki, hazırda Qərbdə heç kim Ukraynaya quru qoşunlarının göndərilməsi imkanını müzakirə etmir.
