BAKI, AzerVoice, Səməd Əyyubov
Taylandda yeni baş nazir təyin olunub.
AzerVoice-un məlumatına görə, kral Maha Vaçiralonkorn parlamentdə keçirilən səsvermədə qalib gələn mühafizəkar “Bumyajtay” partiyasının sədri Anutin Çanvirakulu bu vəzifəyə təsdiqləyib.
Beləliklə, 2023-cü ildən bəri Taylandda artıq üçüncü dəfə baş nazir dəyişib.
Qeyd edək ki, əvvəlki baş nazir, sabiq hökumət rəhbəri Taksin Çinavatın qızı Phethonqthan Çinavat olub. O, 2025-ci ildə Kamboca ilə sərhəd məsələsini həll etməyə yönələn cəhdləri zamanı etik pozuntularla bağlı aparılan araşdırmanın nəticəsinə görə vəzifəsindən uzaqlaşdırılıb.
Bu həftə məlum olub ki, Taksin Çinavat ona qarşı aparılan məhkəmə prosesi və yeni baş nazirin seçilməsi fonunda ölkəni tərk edib. Çinavat 2001-2006-cı illərdə Taylandın baş naziri olub, lakin hərbi çevriliş nəticəsində hakimiyyətdən devrilib. Buna baxmayaraq, onun ölkədə müəyyən siyasi təsirini qoruduğu bildirilir.
Keçmiş baş nazir isə cümə günü açıqlamasında bildirib ki, bazar ertəsindən gec olmayaraq Taylanddan ayrılmayacaq və çərşənbə axşamı keçiriləcək məhkəmə iclasında iştirak edəcək. Həmin iclasda onun xəstəxanada keçirdiyi altı ayın cəza müddətinə daxil edilib-edilməyəcəyi müzakirə olunacaq. Əgər məhkəmə bu müddəti kifayət hesab etməsə, Çinavat yeni cəza ilə üzləşə bilər.
