BAKI, AzerVoice, Səməd Əyyubov
Gürcüstanın keçmiş müdafiə naziri Cuanşer Burçuladze korrupsiya pozuntularına görə saxlanılıb.
AzerVoice xəbər verir ki, bu barədə ölkənin Dövlət Təhlükəsizlik Xidməti məlumat yayıb.
Bildirilib ki, Burçuladze müdafiə naziri vəzifəsində çalışdığı dövrdə xüsusilə böyük məbləğdə rüşvət almaqda ittiham olunur.
Həbelə, müxalif “Vahid Milli Hərəkat” partiyasının siyasi şurasının sədri Levan Xabeişvili də saxlanılıb. Onun, hüquq-mühafizə orqanlarının əməkdaşlarına xidməti vəzifələrini yerinə yetirməmələri üçün pul vəsaiti vəd etməkdə ittiham olunduğu qeyd olunub.
Xabeişvili televiziya efirlərində çıxış edərək güc hüquq-mühafizə orqanlarının əməkdaşlarına müraciət edib və etiraz aksiyalarında iştirakçılara qarşı qanuni əmrləri icra etmədikləri halda onlara 200 min ABŞ dolları veriləcəyini vəd edib.
Məhkəmənin qərarı ilə Xabeişvilini 4 ildən 7 ilədək azadlıqdan məhrumetmə cəzası gözləyir.
