Türkiyə, Gürcüstan və İraqdan olan din xadimləri Şuşaya səfər ediblər
Türkiyə, Gürcüstan və İraqdan olan din xadimləri Şuşaya səfər edərək şəhərin tarixi, dini və mədəni irsi, eləcə də aparılan bərpa işləri ilə tanış olublar.
Türkiyə, Gürcüstan və İraqdakı azərbaycanlı din xadimləri Azərbaycanda səfərdədirlər
Sentyabrın 6-dan Türkiyə, Gürcüstan və İraqda fəaliyyət göstərən azərbaycanlı din xadimlərindən ibarət nümayəndə heyəti Azərbaycanda səfərdədir.
Dövlət Komitəsində Gürcüstan nümayəndə heyəti ilə görüş keçirilib
Dini Qurumlarla İş üzrə Dövlət Komitəsində Gürcüstanın Dini Məsələlər üzrə Dövlət Agentliyinin nümayəndə heyəti ilə görüş keçirilib. Görüşdə Azərbaycan-Gürcüstan münasibətlərinin mövcud vəziyyəti və dini sahədə əməkdaşlığın inkişaf etdirilməsi imkanları müzakirə olunub. Tərəflər iki ölkə arasındakı münasibətlərin tarixi dostluq və qarşılıqlı etimada əsaslandığını vurğulayıblar. Azərbaycanda müxtəlif dini və etnik qrupların dinc birgəyaşayışı üçün yaradılan şərait barədə məlumat verilib. Gürcü pravoslav xristian icmasının dini etiqad azadlığının təmin olunduğu diqqətə çatdırılıb. Gürcüstan nümayəndə heyəti ölkələr arasında dini sahədə əməkdaşlığın daha da genişləndirilməsinin vacibliyini qeyd edib. Gürcüstanda yaşayan azərbaycanlıların milli-mənəvi və dini dəyərlərinin qorunması istiqamətində görülən işlər də müzakirə olunub. Tərəflər gələcəkdə qarşılıqlı əməkdaşlığın və təcrübə mübadiləsinin gücləndirilməsinin əhəmiyyətini vurğulayıblar.
Bakı-Tbilisi-Ceyhan boru kəməri ilə neft ixracının həcmi açıqlanıb
Bu ilin yanvar-iyul aylarında Bakı-Tbilisi-Ceyhan (BTC) ilə nəql olunan tranzit neftinin həcmi 14 milyon 773,2 min ton (nəqletmənin 76,8 faizi) təşkil edib. Dövr ərzində BTC kəməri ilə nəql edilmiş neftin 82,3 faizini (12 milyon 154,7 min ton) Azərbaycanda hasil edilən neft, 17,7 faizini (2 milyon 618,5 min ton) isə Türkmənistan və Qazaxıstandan daxil olan neft təşkil edib.
Gürcüstan Azərbaycandan təbii qaz idxalını artırıb
Cari ilin yanvar-iyun aylarında Azərbaycandan Gürcüstana 162,6 milyon ABŞ dolları dəyərində 1,422 milyard kubmetr təbii qaz (qaz halında) ixrac edilib. Ötən ilin müvafiq dövrü ilə müqayisədə Azərbaycandan sözügedən ölkəyə təbii qaz (qaz halında) ixracı dəyər ifadəsində 11,6 milyon ABŞ dolları və ya 7,7 faiz artıb, həcm baxımından isə 92 milyon kubmetr və ya 6,9 faiz çoxalıb.
Heydər Əliyev Fondu gənc arxeoloqların Beynəlxalq Yay məktəbində iştirakına dəstək olub
Gürcüstanda gənc alimlər və tələbələr üçün “İrs, elm, arxeologiya və müasir texnologiyalar” mövzusunda Beynəlxalq Yay məktəbi təşkil olunub. Müxtəlif ölkələrdən gənc alimləri bir araya gətirən Yay məktəbində Azərbaycanı Heydər Əliyev Fondunun dəstəyi ilə gənc arxeoloqlardan ibarət komanda təmsil edir.
Tbilisidə azərbaycanlı qadının qatili saxlanılıb
Gürcüstanın hüquq mühafizə orqanlarının əməkdaşları həyata keçirdikləri operativ tədbirlər və istintaq hərəkətləri nəticəsində Tbilisidə azərbaycanlı qadın Fatimə Kərimovanın qətlə yetirməkdə təqsirləndirilən şəxsi Batumi Beynəlxalq Hava Limanında saxlayıblar.
Azərbaycan və Gürcüstan mədəni əməkdaşlığın yeni istiqamətlərini müzakirə edib
Azərbaycan və Gürcüstan mədəniyyət sahəsində əməkdaşlığın yeni mərhələsinə qədəm qoyur. Bakıda keçirilən Birgə İşçi Qrupunun 3-cü iclasında iki ölkə arasında mədəni-humanitar əlaqələrin inkişaf perspektivləri müzakirə olunub. Tərəflər teatr, muzey, kitabxana, kino, mədəni irsin qorunması və yaradıcı sənayelər sahəsində əməkdaşlığın genişləndirilməsinin vacibliyini vurğulayıblar. Azərbaycan və Gürcüstanı ortaq tarix və zəngin mədəni irsin birləşdirdiyi qeyd olunub. Görüşdə mütəxəssislərin qarşılıqlı təcrübə mübadiləsi və birgə layihələrin həyata keçirilməsi ilə bağlı fikir mübadiləsi aparılıb. Tərəflər mədəni əlaqələrin strateji tərəfdaşlığın mühüm istiqamətlərindən biri olduğunu bildiriblər. İclasın sonunda əməkdaşlığın gələcək inkişafını nəzərdə tutan protokol imzalanıb.
ABŞ-ın Cənubi Qafqaz siyasətində Azərbaycanın rolu artır
Vaşinqtonun səfir təyinatları region üçün mühüm siqnal sayılır
Türkiyə, Azərbaycan və Gürcüstan xarici işlər nazirlərinin iştirakı ilə İstanbul Bəyannaməsi qəbul edilib
Türkiyə, Azərbaycan və Gürcüstan xarici işlər nazirlərinin 10-cu üçtərəfli görüşü mühüm sənədin qəbulu ilə başa çatıb.
Maka Boçorişvili: Azərbaycan və Ermənistan arasında müsbət dinamika regionda sülhü gücləndirəcək
Azərbaycan-Ermənistan arasında müsbət proseslər regionda sülh və sabitliyi gücləndirəcək.
Sərhəd və gömrük prosedurlarının sürətləndirilməsi üçün tapşırıqlar verildi
May ayının 28-də Prezident İlham Əliyevin tapşırığına əsasən, Dövlət Sərhəd Xidmətinin, Dövlət Gömrük Komitəsinin və “Azərbaycan Dəmir Yolları” Qapalı Səhmdar Cəmiyyətinin rəhbərləri dəmiryolu nəqliyyatı vasitəsilə Azərbaycan–Gürcüstan marşrutu üzrə hərəkət edən yük və sərnişin qatarlarında sərhəd və gömrük nəzarətinin təşkili, rəsmiləşdirmə proseslərinin həyata keçirilməsi, vətəndaş məmnuniyyətinin təmin olunması, habelə təhlükəsizlik tədbirlərinin daha da gücləndirilməsi məqsədilə Yevlax, Gəncə, Ağstafa və Böyük Kəsik dəmiryolu stansiyalarına baxış keçiriblər.
