BAKI, AzerVoice, Nailə Babazadə
Filippində 7,4 bal gücündə zəlzələ baş verib. Avropa-Aralıq dənizi Seysmoloji Mərkəzi zəlzələnin yerin 62 kilometr dərinliyində qeydə alındığını bildirib.
AzerVoice xəbər verir ki, zəlzələdən sonra sunami xəbərdarlığı edilib.
Dalğaların episentrə 300 kilometr məsafədəki sahil bölgələrində təsirli ola biləcəyi qeyd olunub.
Filippin Seysmologiya Agentliyi mərkəzi və cənub Filippindəki sahil şəhərlərində yaşayan insanlara dərhal yüksək ərazilərə getmək çağırışı edib. Eyni zamanda, afterşoklara (təkrar təkanlara) qarşı diqqətli olunması tövsiyə olunub.
Zəlzələ nəticəsində hər hansı bir dağıntı və ya insan itkisi ilə bağlı hələlik məlumat verilməyib.
Qeyd edək ki, Filippinin Palompon bölgəsində 30 sentyabr tarixində 6,9 bal gücündə zəlzələ baş vermişdi və 72 nəfər həyatını itirmişdi.
