BAKI, AzerVoice
ABŞ dövlət katibi Marko Rubio, ABŞ prezidenti Donald Trampın xüsusi nümayəndəsi Stiven Vitkoff və ABŞ prezidentinin kürəkəni Cared Kuşner noyabrın 30-da Ukrayna nümayəndə heyəti ilə görüşəcəklər.
AzerVoice-ın məlumatına görə, bu barədə "Reuters" agentliyi ABŞ administrasiyasının yüksək vəzifəli məmuruna istinadən xəbər verib.
Məlumata əsasən, görüş ABŞ-nin Florida ştatında keçiriləcək.
Ağ Evin mətbuat xidməti tərəfindən bundan əvvəl açıqlanan D.Trampın cədvəlinə əsasən, ABŞ prezidenti 30 noyabrda Mar-a-Laqo malikanəsinin yerləşdiyi Floridadan Vaşinqtona qayıdacaq.
