BAKI,VOA, Fərid Mikayılov

ABŞ Hərbi Dəniz Qüvvələri İranın hücum iddiaları fonunda “USS Abraham Lincoln” aviadaşıyıcısı ilə bağlı açıqlama verib.

VOA xəbər verir ki, “Abraham Lincoln” aviadaşıyıcı zərbə qrupu İran əleyhinə həyata keçirilən “Epik qəzəb” əməliyyatı çərçivəsində fəaliyyətini davam etdirir və döyüş tapşırıqlarını yerinə yetirir.

Bildirilib ki, martın 25-də Ərəb dənizində uçuş əməliyyatları zamanı gəminin heyət üzvlərindən biri xəsarət alıb. Hadisənin döyüş əməliyyatları ilə əlaqəli olmadığı və hərbçinin həyatına təhlükə yaratmadığı qeyd olunub.

Yaralı hərbçi tibbi yardım göstərilməsi üçün sahilə təxliyə edilib və vəziyyətinin stabil olduğu açıqlanıb. Hadisənin səbəbləri ilə bağlı araşdırma aparılır.

Qeyd edək ki, bundan əvvəl İran İslam İnqilabı Keşikçiləri Korpusu ABŞ-a məxsus “Abraham Lincoln” aviadaşıyıcısına qanadlı raketlərlə zərbə endirildiyini iddia etmişdi. ABŞ tərəfi isə bu iddiaları təsdiqləməyib