BAKI,VOA, Fərid Mikayılov
İsrailin baş naziri Binyamin Netanyahu ABŞ prezidenti Donald Trampın İranla bağlı irəli sürdüyü 2 həftəlik atəşkəs təşəbbüsünü dəstəklədiklərini bildirib.
VOA xəbər verir ki, Netanyahu qeyd edib ki, bu atəşkəs yalnız İranı əhatə edir və Livanı daxil etmir.
O vurğulayıb ki, İsrail ABŞ-ın İranın nüvə silahı əldə etməsinin qarşısının alınması və region ölkələrinə qarşı raket təhdidlərinin aradan qaldırılması istiqamətində səylərini dəstəkləyir.
Netanyahu əlavə edib ki, İsrail tərəfi ABŞ-ın İranla bağlı hərbi əməliyyatları 2 həftəlik müddətə dayandırmasını yalnız Tehranın Hörmüz boğazını açması və atəşkəsə razı olması şərti ilə qəbul edir.
Qeyd edək ki, ABŞ prezidenti Donald Tramp daha əvvəl Hörmüz boğazının tam açılması şərti ilə İranla qarşılıqlı atəşkəsə razı olduqlarını açıqlamışdı.
