BAKI,VOA, Fərid Mikayılov
İsrail ordusu regionda gərginliyin davam etdiyi şəraitdə yüksək döyüş hazırlığını qoruyur.
VOA xəbər verir ki, Eyal Zamir İsrailin “Müstəqillik Günü” münasibətilə keçirilən tədbirdə çıxışı zamanı bildirib ki, ölkə ordusu bütün cəbhələrdə dərhal və güclü döyüşə qayıtmağa hazırdır.
Onun sözlərinə görə, İsrail Müdafiə Qüvvələri 7 oktyabr hadisələrindən sonra davamlı əməliyyatlar vasitəsilə hərbi potensialını yenidən gücləndirib. Zamir qeyd edib ki, Qəzzada HƏMAS-a qarşı əməliyyatlar nəticəsində ordunun əsas hədəflərinə nail olunub.
Baş Qərargah rəisi həmçinin şimal istiqamətində təhlükəsizlik vəziyyətinə toxunaraq bildirib ki, Livan ərazisində intensiv döyüş əməliyyatları davam edir və bu fəaliyyətlər sərhəd bölgələrinin təhlükəsizliyinin təmin olunmasına yönəlib.
Zamir vurğulayıb ki, 2025-ci ilin iyun ayında baş vermiş münaqişə və son 40 günlük gərginlik fonunda İsrail ordusu bütün istiqamətlərdə yüksək hazırlıq səviyyəsini saxlayır və istənilən ssenariyə operativ cavab verməyə qadirdir.
