BAKI,VOA,Yusif Şərifzadə

2024-cü ildə İsrail hərbi əlaqəli zavoda hücumla bağlı dörd fələstinpərəst fəal məhkum edilib

VOA xəbər verir ki, Böyük Britaniyada dörd fələstinpərəst fəal 2024-cü ildə İsrailin hərbi texnologiya şirkəti Elbit Systems tərəfindən idarə olunan obyektə basqın zamanı əmlaka qəsdən ziyan vurmaqda təqsirli bilinib.

London prokurorları bildiriblər ki, ittihamları rədd edən təqsirləndirilən şəxslər hazırda qadağan olunmuş “Palestine Action” qrupunun üzvləri olub və ötən ilin avqust ayında İngiltərənin cənub-qərbində yerləşən Bristol şəhərindəki obyektə hücumu təşkil ediblər.

Məhkəmə prosesində iştirak edən daha iki nəfər isə irəli sürülən ittihamlar üzrə bəraət alıb.

“Palestine Action” Böyük Britaniya hökumətini Qəzza zolağında İsrailin hərbi cinayətlərində şərik olmaqda ittiham edir və bildirir ki, təşkilat “İsrailin soyqırım və aparteid rejimində qlobal iştirakın dayandırılmasına sadiqdir.”