BAKI,VOA Yusif Şərifzadə
ABŞ Xəzinədarlıq katibi Skott Bessent bildirib ki, ölkə Rusiyaya məxsus və dənizdə qalan neftin istifadəsinə müvəqqəti çıxış imkanı verən 30 günlük ümumi lisenziyanı uzadıb.
VOA xəbər verir ki, bu güzəşt ilkin olaraq Hörmüz boğazında yaranan blokada və ABŞ–İsrail–İran gərginliyi fonunda neft çatışmazlığı və yüksək qiymətləri azaltmaq məqsədilə tətbiq olunmuşdu. Lakin bildirilib ki, addım ABŞ-da benzin qiymətlərinin azaldılmasına ciddi təsir göstərməyib.
Skott Bessent sosial şəbəkə X-də yazıb: “Bu uzadılma əlavə çeviklik təmin edəcək və biz ehtiyac yarandıqca ölkələrlə xüsusi lisenziyalar üzərində işləyəcəyik. Bu ümumi lisenziya fiziki xam neft bazarını sabitləşdirməyə və neftin ən çox enerji baxımından həssas ölkələrə çatmasına kömək edəcək.”
