BAKI,VOA, Fərid Mikayılov

Litvanın Baş naziri İnqa Ruginene ölkənin Registr Mərkəzindən məlumatların sızması fonunda istefa ehtimalı ilə bağlı açıqlama verib.

VOA xəbər verir ki, Baş nazir vəziyyətin ciddi olduğunu vurğulayıb.

“Hamımız anlayırıq ki, vəziyyət çox ciddidir”, – deyə Ruginene bildirib. O əlavə edib ki, istefası ölkənin düşmənləri üçün “ən yaxşı hədiyyə” ola bilər.

Məlumata görə, yüz minlərlə məlumatın Registr Mərkəzindən sızdırılması ilə bağlı yaranmış vəziyyətə görə Ruginene iqtisadiyyat naziri Edvinas Qrikşas, daxili işlər naziri Vladislav Kondratoviç və müdafiə naziri Robertas Kaunasla görüş keçirib.

Hazırda məlumat sızmasının miqyası və mümkün nəticələri ilə bağlı araşdırmalar davam etdirilir.

Qeyd edək ki, bundan əvvəl Baltikyanı ölkələrin Ukraynaya sığınacaqların alınması ilə bağlı müraciət etdiyi barədə məlumat yayılmışdı.