BAKI,VOA, Fərid Mikayılov
Ukraynanın Ankaradakı səfiri Qara dənizdə vurulan Türkiyəyə məxsus gəmi və onu yedəyə almaq üçün göndərilən digər gəminin hədəfə alınması ilə bağlı Türkiyə Xarici İşlər Nazirliyinə çağırılıb.
VOA xəbər verir ki, 26 avqust 2026-cı ildə “Lider Bordo Mavi” adlı Türkiyə şirkətinin idarə etdiyi gəminin Qara dənizdə Tuapse yaxınlığında vurulmasından sonra, onu yedəyə almaq üçün ertəsi gün – avqustun 27-də göndərilən “Lider Kocatepe” gəmisinin də hədəfə alınması ilə əlaqədar Ukrayna səfiri nazirliyə çağırılıb.
Mənbələr bildiriblər ki, görüş zamanı Türkiyənin sözügedən hücumlarla bağlı reaksiyası Ukrayna tərəfinə çatdırılıb.
