BAKI,VOA, Fərid Mikayılov
Beynəlxalq Atom Enerjisi Agentliyi (MAQATE) Ukraynadakı Zaporijya Atom Elektrik Stansiyasınin xarici elektrik təchizatını müvəqqəti olaraq yenidən itirdiyini açıqlayıb.
VOA xəbər verir ki, bu, Rusiya–Ukrayna müharibəsi başlayandan bəri stansiyada qeydə alınan 16-cı oxşar hadisədir.
Açıqlamada bildirilib ki, elektrik kəsintisi təxminən bir saat davam edib və bu müddətdə ehtiyat dizel generatorları avtomatik olaraq işə düşüb.
MAQATE rəhbəri Rafael Qrossi vəziyyətin səbəbinin hələlik məlum olmadığını, lakin hadisənin nüvə təhlükəsizliyi ilə bağlı risklərin davam etdiyini göstərdiyini bildirib.
Avropanın ən böyük nüvə obyektlərindən biri olan Zaporijya AES Rusiya–Ukrayna müharibəsinin ilk aylarında, 2022-ci ilin martında Rusiya qüvvələrinin nəzarətinə keçmişdi.
Stansiya ətrafı ərazilər müharibə boyunca dəfələrlə atəş və hücumların hədəfinə çevrilib.
