BAKI,VOA, Fərid Mikayılov

Almaniyanın Münhen Hava Limanında dron müşahidə edildiyi üçün hava hərəkəti tamamilə dayandırılıb.

VOA xəbər verir ki, Almaniya Federal Polisinin məlumatına görə, səhər saat 09:00 radələrində pilotlar hava limanı ətrafında şübhəli uçan obyekt gördüklərini bildiriblər.

Bildirilib ki, təhlükəsizlik səbəbindən hava limanı dərhal uçuşlara bağlanıb və bütün qalxış və enişlər müvəqqəti olaraq dayandırılıb.

Rəsmilər Münhen Hava Limanı ərazisində dron uçuşlarının qadağan olduğunu xatırladaraq, hadisədən sonra bölgəyə çoxsaylı polis qüvvələrinin cəlb edildiyini açıqlayıblar.

Hazırda təhlükəsizlik qüvvələri hava limanı və ətraf ərazilərdə genişmiqyaslı araşdırma aparır, şübhəli dronun və onunla əlaqəli şəxslərin müəyyənləşdirilməsinə çalışılır.

Uçuşların nə zaman bərpa olunacağı və təhlükəsizlik yoxlamalarının nə qədər davam edəcəyi hələlik məlum deyil.