BAKI,VOA,Yusif Şərifzadə
ABŞ Konqresində keçirilən dinləmələrdə senator Marco Rubio çıxış edərək ABŞ–İsrail və İran arasında davam edən münaqişə fonunda Vaşinqtonun diplomatik siyasəti ilə bağlı suallarla üzləşib.
VOA xəbər verir ki, iclaslar ABŞ Dövlət Departamentinin illik büdcə müraciətinə həsr olunmasına baxmayaraq, əsas diqqət Yaxın Şərqdə gərginləşən vəziyyətə yönəlib. Müzakirələrdə əsas mövzular ABŞ və İran arasında kövrək atəşkəsin vəziyyəti, son günlərdə artan qarşılıqlı hücumlar və Vaşinqtonun diplomatik səylərinin ləngiməsi olub.
Rəsmilər ABŞ Prezidenti Donald Tramp administrasiyasının müharibəyə müdaxiləsini müdafiə etsələr də, Konqresdə həm demokratlar, həm də bəzi respublikaçılar müharibənin iqtisadi xərcləri və uzunmüddətli nəticələrini sual altına alıblar. Dinləmələrdə “sonsuz müharibələr” anlayışı da gündəmə gəlib və ABŞ-ın Yaxın Şərqdə daha dərin hərbi eskalasiyaya sürüklənib-sürüklənmədiyi müzakirə olunub.
