BAKI,VOA,Yusif Şərifzadə
Litva, Polşa və Fransa Rusiya və Belarusla sərhəd bölgəsində birgə hərbi təlimlər keçirəcək.
VOA xəbər verir ki, LRT telekanalının məlumatına əsasən, “Otvažnıy kaban–2026” adlı təlimlər 16–26 iyun tarixlərində Suvalki dəhlizi ərazisində təşkil olunacaq. Bu zona Belarus və Rusiyanın Kalininqrad vilayəti arasında yerləşən Polşa və Litva sərhəd xəttini əhatə edir.
Məlumata görə, təlimlərin məqsədi sərhəd təhlükəsizliyinin gücləndirilməsi, hərbi koordinasiyanın artırılması və mümkün böhran vəziyyətlərində birgə əməliyyat imkanlarının sınaqdan keçirilməsidir.
Rəsmi açıqlamalarda təlimlərin müdafiə xarakterli olduğu vurğulanır və bölgədə sabitliyin qorunmasına yönəldiyi qeyd olunur.
