BAKI,VOA,Yusif Şərifzadə
Pakistanın Baş naziri Şahbaz Şərif İranın keçmiş ali rəhbəri Əli Xameneinin tabutu önündə ehtiramını bildirib. Tehranda keçirilən vida mərasimində Pakistan nümayəndə heyəti də iştirak edib.
VOA xəbər verir ki, İran dövlət televiziyasının yayımladığı görüntülərdə Pakistanın Baş naziri Şahbaz Şərifin Əli Xameneinin tabutu önünə gələrək ehtiram göstərdiyi əks olunub.
Şahbaz Şərifi mərasim zamanı Pakistan Silahlı Qüvvələrinin Baş Qərargah rəisi Asim Münir və digər rəsmi şəxslərdən ibarət nümayəndə heyəti müşayiət edib.
Məlumata görə, Pakistan son dövrlərdə ABŞ ilə İran arasında aparılan danışıqlarda mühüm vasitəçi rolunu oynayır. Bildirilir ki, İslamabad tərəflər arasında qapalı təmasların təşkilinə, danışıqların keçirilməsinə və diplomatik əlaqələndirməyə dəstək verir.
Pakistanın eyni zamanda İranla tranzit əlaqələrinin idarə olunması və körfəz ölkələri ilə münasibətlər arasında tarazlığın qorunmasına çalışdığı qeyd olunur.
