BAKI,VOA,Yusif Şərifzadə
ABŞ Prezidenti Donald Tramp ABŞ ordusunun İranın hərbi imkanlarının böyük hissəsini sıradan çıxardığını iddia edib. O, həmçinin İran və Hizbullahın Konqresdə müzakirə olunan sanksiyalar qanun layihəsinə daxil edilə biləcəyini bildirib.
VOA xəbər verir ki, Donald Tramp Ağ Evdə keçirdiyi brifinq zamanı ABŞ-ın İrana qarşı həyata keçirdiyi hərbi əməliyyatların nəticələri barədə açıqlama verib.
Tramp bildirib ki, ABŞ İranın hərbi potensialının böyük hissəsini məhv edib.
ABŞ Prezidenti bununla bağlı əlavə detallar təqdim etməyib, lakin Vaşinqtonun İranın hərbi imkanlarına ciddi zərbə vurduğunu vurğulayıb.
Tramp həmçinin İran və Livanın Hizbullah təşkilatının hazırda ABŞ Konqresində nəzərdən keçirilən Rusiya ilə bağlı sanksiyalar qanun layihəsinə əlavə edilə biləcəyini deyib.
ABŞ Prezidenti bildirib ki, İran və Hizbullahla bağlı yeni məhdudlaşdırıcı tədbirlər məsələsi müzakirə olunur.
Vaşinqton və Tehran arasında artan gərginlik fonunda ABŞ-ın mümkün yeni sanksiyaları və hərbi addımları regionda diqqətlə izlənilir.
