BAKI,VOA,Yusif Şərifzadə
Pakistanın xarici işlər naziri Məhəmməd İshaq Dar iranlı həmkarı Abbas Əraqçini İslamabada səfərə dəvət edib.
VOA xəbər verir ki, Pakistan Xarici İşlər Nazirliyinin X sosial şəbəkəsində yaydığı məlumata görə, Məhəmməd İshaq Dar ilə Abbas Əraqçi arasında telefon danışığı baş tutub.
Bildirilib ki, nazirlər regional və beynəlxalq məsələləri, o cümlədən işğal altındakı Şərqi Qüdsdə pisləşən vəziyyəti müzakirə ediblər.
Telefon danışığı zamanı İshaq Dar iranlı həmkarını ilk fürsətdə Pakistana rəsmi səfər etməyə dəvət edib.
Pakistan Xarici İşlər Nazirliyi danışığın digər detalları barədə əlavə məlumat açıqlamayıb.
