BAKI,VOA,Yusif Şərifzadə
ABŞ dövlət katibi Marko Rubio bildirib ki, Hörmüz boğazından daha çox gəminin təhlükəsiz keçidinin təmin edilməsi məqsədilə İranla aparılan danışıqlarda irəliləyiş əldə olunub, lakin yekun razılaşma hələ imzalanmayıb.
VOA xəbər verir ki, Rubio bu barədə Dövlət Departamentində jurnalistlərə açıqlamasında danışıb.
Onun sözlərinə görə, danışıqlarda müəyyən irəliləyiş əldə edilsə də, proses hələ yekun mərhələyə çatmayıb.
"Bu danışıqlarda irəliləyiş əldə olunub, lakin hələ yekun nəticə yoxdur. Ümid edirik ki, bu, çox yaxın zamanda baş verəcək", – deyə Rubio bildirib.
ABŞ dövlət katibi əlavə təfərrüat açıqlamayıb.
