BAKI,VOA Orxan Qədirzadə
İndoneziyanın şərqində, Flores adası yaxınlığında baş verən 7,7 maqnitudalı zəlzələ nəticəsində ölənlərin sayı 38 nəfərə çatıb.
KİV-in məlumatına görə, xilasetmə və axtarış işləri davam etdirilir. Zəlzələ nəticəsində çoxsaylı binalara və yollara ziyan dəyib, bəzi ərazilərdə torpaq sürüşmələri baş verib.
ABŞ Geoloji Xidmətinin məlumatına görə, zəlzələ şənbə günü yerli vaxtla saat 05:58-də Flores adasının sahilləri yaxınlığında, dayaz dərinlikdə qeydə alınıb. Episentr Şərqi Nusa Tenqara əyalətindəki Ende şəhərindən təxminən 68 kilometr məsafədə yerləşib.
Yerli hakimiyyət orqanları dağıntıların tam miqyasını müəyyənləşdirmək üçün məlumatların toplanmasını davam etdirir.
İndoneziya “Sakit okeanın odlu halqası” üzərində yerləşdiyindən ölkədə seysmik və vulkanik aktivlik tez-tez müşahidə olunur.
