BAKI,VOA, Fərid Mikayılov

Böyük Britaniyanın yeni baş naziri Endryu Bernem Rusiyaya müraciət edərək münaqişə sülhlə bitənədək Londonun Ukraynaya dəstəyini sürdürəcəyini bəyan edib.

VOA xəbər verir ki, bu barədə "The New York Times" nəşri məlumat yayıb.

"Rusiyanın bizim qətiyyətimizə heç bir şübhəsi olmamalıdır. Ədalətli və davamlı sülhə nail olunana qədər geri çəkilməyəcəyik", – deyə baş nazir vurğulayıb.

Bəyanat Bernemin Ukraynanın Müstəqillik Günündə Kiyevə etdiyi səfər fonunda verilib. Vəzifəyə gəldikdən sonra ilk xarici səfərini Ukrayna paytaxtına reallaşdıran hökumət rəhbərinin "istəklilər koalisiyası"nın iclasında iştirakı nəzərdə tutulub.

Məlumata görə, Bernem səfər çərçivəsində Ukrayna ərazisində uzaqmənzilli SCALP raketlərinin istehsalı üçün lazımi texniki məlumatların Kiyevə təhvil veriləcəyini elan edəcək.