BAKI,VOA Orxan Qədirzadə
Nigerin paytaxtı Niameydə səhər saatlarında bir neçə ərazidə güclü atəş səsləri və partlayışlar qeydə alınıb. Hücumçuların Diori Hamani Beynəlxalq Hava Limanını və Prezident Sarayının təhlükəsizlik zonasını hədəf aldığı bildirilir.
Nigerin milli mətbuatının məlumatına görə, hücum zamanı hava limanındakı “Base 101” hərbi bazasına da atəş açılıb. Təhlükəsizlik qüvvələri bölgəyə nəzarəti bərpa edib və əməliyyata başlayıb.
Əməliyyat zamanı bir neçə hücumçunun zərərsizləşdirildiyi, digərlərinin isə ərazidən qaçdığı bildirilir. Hadisəni kimin törətdiyi hələlik məlum deyil.
Niger hökuməti hadisə ilə bağlı rəsmi açıqlama verməyib. Diori Hamani Beynəlxalq Hava Limanı 2026-cı ildə daha əvvəl də iki dəfə hücuma məruz qalıb.
