AzerVoice

Google reklam verənləri aldatmaqda günahlandırıldığı 14 illik məhkəmə iddiasını həll etmək üçün 100 milyon dollar ödəməyə razılaşıb.

AzerVoice xəbər verir ki, razılaşma 2004-2012-ci illərdə Google-un reklam platformasından istifadə edən şirkətləri əhatə edir.

İddia 2011-ci ildə başladılıb və keçən həftə Kaliforniyanın San Xose federal məhkəməsinə təqdim olunan razılaşma təsdiq olunarsa, qüvvəyə minəcək.

Şikayətçilər, Google-un o dövrdə "AdWords" (hazırda Google Ads) adlanan reklam sistemində Ağıllı Qiymətləndirmə alqoritmini manipulyasiya etdiyini iddia edirdilər. Bildirilir ki, reklamçılara vəd edilən endirimlər tətbiq olunmayıb və reklamlar hədəflənən coğrafi ərazilərdən kənarda göstərilərək əlavə ödənişlər tutulub.

Google isə bu iddiaları rədd edir, lakin məhkəmənin uzanmaması üçün razılaşmaya getdiyini açıqlayıb.

Qeyd edək ki, razılaşma 1 yanvar 2004-cü il – 13 dekabr 2012-ci il tarixləri arasında AdWords platformasından istifadə edən bütün reklamçıları əhatə edir.