Bakı, AzerVoice

Facebook-un sahibi Meta Platforms-un baş direktoru Mark Zukerberq 2021-ci ildə Bayden administrasiyasının təzyiqi ilə qarşılaşdığını bildirib.

AzerVoice xəbər verir ki, Zukerberq dünən ABŞ Konqresinin Nümayəndələr Palatasının ədliyyə komitəsinə bu haqda məktub ünvanlayıb.

Zukerberq yazdığı məktubda, Bayden administrasiyasındakı yüksək vəzifəli məmurların koronavirus məzmunlu paylaşımlara senzura etmək üçün təzyiq etdiyini bildirib.

Həmçinin o deyib ki, belə bir şey təkrarlanacağı təqdirdə buna qarşı çıxacaq.

“Hökumətin təzyiqi yanlış idi və təəssüf edirəm ki, biz bu barədə yetəri qədər danışmadıq. Bu günki təcrübəmizlə deyə bilərəm ki o zaman verdiyimiz qərarları bu gün olsa verməzdik ",- deyə Zukerberq bildirib.

Qeyd edək ki, Ağ Ev mövzu ilə bağlı verilən sualları cavablandırmayıb.