Bakı, AzerVoice
SpaceX-in baş direktoru Elon Mask Starship raketinin 2026-cı ildə Marsa uçuşlara başlayacağını açıqlayıb.
AzerVoice xəbər verir ki,bu barədə SpaceX-in sahibi Elon Mask sosial media platformasında bildirib
Təhlükəsizlikdən dolayı ilk 4 il ərzində uçuşların ekipajsız olacağını bildirən Mask, bu test uçuşlarının yaxşı keçəcəyi təqdirdə 4 il sonra Marsa ilk ekipajlı uçuşların başlayacağını əlavə edib.
Marsda yeni şəhər qurma planından da danışan Mask, "Təxminən 20 il ərzində öz-özünü təmin edə biləcək bir şəhərin qurulması məqsədi ilə uçuş sürəti bundan sonra artan xətt üzrə davam edəcək", - deyə qeyd edib.
Qeyd edək ki, 2002-ci ildə SpaceX-i quran Mask aprel ayında Marsa enəcək ilk ekipajsız gəminin beş il ərzində Starship olacağını və insanların 7 ildən sonra ilk dəfə Marsa enəcəyini bildirmişdi.
