BAKI, Azervoice , Nərmin Ağayeva

NASA 2030-cu ilə qədər Aya nüvə reaktoru göndərməyi planlaşdırır.

Azervoice xəbər verir ki, ABŞ Milli Aeronavtika və Kosmik Tədqiqatlar İdarəsi (NASA) Aya nüvə reaktoru göndərməyə hazırlaşır.

“Politico” jurnalının əldə etdiyi sənədlərə görə, Nəqliyyat naziri və NASA-nın müvəqqəti direktoru Şon Daffi layihəni bu həftə ictimaiyyətə açıqlayacaq.

Planlaşdırılan nüvə reaktorunun gücü 100 kilovat olacaq və qurğu 2030-cu ilə qədər kosmosa buraxılacaq. NASA rəsmilərindən biri bildirib ki, bu addım ABŞ-ın ikinci kosmos yarışında üstün mövqeyini möhkəmləndirməyi hədəfləyir.

Layihə ilə bağlı sənədlərdə qeyd edilir ki, Ayda nüvə reaktoru yerləşdirən ilk ölkə öz fəaliyyət zonasını məhdud ərazi kimi elan edə və bu, digər dövlətlər üçün strateji məhdudiyyət yarada bilər.

Qeyd edək ki, NASA-nın bu təşəbbüsü Ayda uzunmüddətli missiyalar və enerji təminatı sahəsində mühüm mərhələ hesab olunur.