BAKI, AzerVoice, Zeynəb Raminqızı
Marmara dənizində yaranan müsilaj(yapışqan təbəqə) probleminə qarşı mübarizəyə dəstək məqsədilə dəniz ekosistemini qorumaq və bərpa etmək üçün yeni layihələr həyata keçirilir.
AzerVoice xəbər verir ki, bu layihələri Ətraf Mühit, Şəhərsalma və İqlim Dəyişiklikləri Nazirliyi Təbiət Varlıqlarını Qoruma Baş İdarəsi başlatmışdır.
Dənizlərin “ağciyəri” hesab edilən dəniz otları, 1 kvadratmetr sahədə fotosintez yolu ilə 4-20 litr arasında oksigen istehsal etmək gücünə malikdir. Eyni zamanda, nəsli təhlükə altında olan pina midyaları isə saatda 6 litr dəniz suyunu süzərək təmizləmə funksiyasını yerinə yetirir.
Nazirlik və Bandırma Onyeddinci Sentyabr Universitetinin birgə əməkdaşlığı ilə reallaşdırılan MAR-ÇAYIR və MAR-PİNA layihələrinin davamı olaraq, bu il ÇAYIR-İZ və PİNA-İZ monitorinq layihələri başladılıb. ÇAYIR-İZ çərçivəsində 8 stansiyada dəniz otlarının ekoloji vəziyyəti elmi metodlarla mütəmadi izlənəcək. PİNA-İZ layihəsi isə dünya üzrə sağlam populyasiyası yalnız Marmara dənizində olan pina midyalarının populyasiya dinamikasını nəzarətdə saxlayacaq.
Ümumilikdə, Marmara dənizini təmsil edən 7 stansiyada pina populyasiyasının sağlamlıq göstəriciləri, ölüm nisbətləri və ətraf mühit dəyişiklikləri monitorinq edilir.
Ətraf Mühit Naziri Murat Kurum sosial media vasitəsilə “Pina və dəniz otları Marmara dənizinə nəfəs verir. Pina midyaları saatda 6 litr dəniz suyunu təmizləyir, dəniz otları isə 1 kvadratmetr sahədə 20 litrədək oksigen istehsal edir. ÇAYIR-İZ və PİNA-İZ layihələri ilə bu canlıların populyasiyasını artıraraq müsilajla mübarizəyə bioloji dəstək veririk.”- deyə bildirmişdirlər.
Təbiət Varlıqlarını Qoruma Baş İdarəsinin rəhbəri Dr. Hacı Abdullah Uçan isə vurğulayıb ki, bu layihələr Marmara Dənizi Qoruma Fəaliyyət Planına mühüm dəstək olacaq və dənizin ekosisteminin yaxşılaşdırılmasına ciddi töhfə verəcək. O, gələcək illərdə elmi tədqiqatların davam etdiriləcəyini də bildirib.
