Fransa prezidenti Makron baş nazir Bayrunun istefasını qəbul edib

Fransa Prezidenti Emmanuel Makron, dünən Milli Məclisdə keçirilən etimad səsverməsində hökumətin etimadı qazana bilməməsinin ardından Baş nazir Fransua Bayrunun istefasını qəbul edib. Baş nazir Bayru istefasını Elysee Sarayında Prezident Makrona təqdim edib. Etimadsızlıq səsverməsində 364 deputat hökumətin əleyhinə, 194 deputat isə lehinə səs verib. 15 deputat isə bitərəf qalıb. Bu nəticə hökumətin süqutuna səbəb olub.

9 Sentyabr 2025 17:05

BAKI, AzerVoice, Nailə Babazadə

AzerVoice xəbər verir ki, baş nazir Bayru istefasını Elysee Sarayında Prezident Makrona təqdim edib.

Etimadsızlıq səsverməsində 364 deputat hökumətin əleyhinə, 194 deputat isə lehinə səs verib. 15 deputat isə bitərəf qalıb. Bu nəticə hökumətin süqutuna səbəb olub.

Bayru hökuməti, ölkədə ciddi narazılıq doğuran 2026-cı il büdcəsi layihəsini Milli Məclisə təqdim etməzdən əvvəl öz təşəbbüsü ilə məsələni etimad səsverməsinə çıxarmışdı. Büdcə layihəsi çərçivəsində bəzi rəsmi bayramların ləğv olunması və bunun nəticəsində təxminən 43 milyard avro həcmində qənaət nəzərdə tutulurdu.

Ancaq bu plan geniş ictimai narazılıq doğurmuş və nəticədə Bayru hökuməti Milli Məclisdə etimad səsi ala bilməyərək istefaya getmək məcburiyyətində qalmışdır.