Livan Prezidenti İsraili razılaşmanı pozmaqda ittiham edib
Livan Prezidenti Cozef Aun İsrailin hücumlarının ABŞ-nin vasitəçiliyi ilə əldə olunan razılaşmanı və gərginliyin azaldılması səylərini pozduğunu bildirib.
Prezident Aun İsrailin Livana hücumlarını “əsassız cinayətlər” adlandırıb
Livan Prezidenti Cozef Aun İsrailin ölkəyə hücumlarını pisləyərək BMT-nin Livandakı Müvəqqəti Qüvvələrinin mandatının yenilənməsini dəstəklədiklərini bildirib.
Fransa və Böyük Britaniya Hörmüz boğazında gərginliyin azaldılmasına çağırıb
Fransa Prezidenti Emmanuel Makron və Böyük Britaniyanın Baş naziri Endi Börnem Londonda görüşüblər. Tərəflər Hörmüz boğazında gərginliyin azaldılmasının vacibliyini müzakirə ediblər. Bölgədəki qarşıdurma beynəlxalq enerji daşımalarının təhlükəsizliyi ilə bağlı narahatlığı artırır. Görüşdə İsrail-Fələstin münaqişəsinə də toxunulub. Börnem İsrailin “E1” ərazisində genişmiqyaslı yaşayış məntəqəsi layihəsini qəbuledilməz adlandırıb. Böyük Britaniyanın Baş naziri layihənin iki dövlətli həll imkanlarını zəiflətdiyini bildirib. Fransa və Böyük Britaniya Yaxın Şərqdə gərginliyin daha da artmasının qarşısının alınmasının vacibliyini vurğulayıblar. Görüş bölgədə hərbi və siyasi vəziyyətin gərgin olduğu bir dövrdə keçirilib.
Səudiyyə Ərəbistanı regional sabitlik və boğazlarda təhlükəsizliyə ciddi önəm verir
Səudiyyə Ərəbistanı münaqişələrin hərtərəfli və davamlı siyasi və diplomatik yollarla nizamlanmasını, gərginliyin azaldılmasını, regionda yeni böhran və toqquşmaların qarşısının alınmasını dəstəklədiyini təsdiqləyib, Hörmüz və Babülməndəb boğazları ilə yanaşı bütün həyati əhəmiyyətli dəniz keçidlərinin açıq, təhlükəsiz və hər cür təhdiddən uzaq qalmasının vacibliyini vurğulayıb.
Səudiyyə Ərəbistanı Fransada 22 min iş yeri açacaq
Səudiyyə Ərəbistanı Fransanın paytaxtı Paris yaxınlığında üç böyük əyləncə parkının tikintisinə 6 milyard avro sərmayə qoyacaq. Layihənin həyata keçirilməsi nəticəsində 22 min yeni iş yerinin yaradılması nəzərdə tutulur. Layihəyə dair razılaşma Emmanuel Makron və Səudiyyə Ərəbistanının vəliəhdi, Baş nazir Məhəmməd bin Salman arasında imzalanıb. Yelisey Sarayının məlumatına görə, tərəflər görüş zamanı əsas iqtisadi və strateji məsələlərlə yanaşı, mühüm regional mövzuları da müzakirə ediblər.
Makron ölümə yardım haqqında qanunu təsdiqlədi
Fransada ölümə yardım imkanını müəyyən şərtlərlə qanuniləşdirən yeni qanun qüvvəyə minib.Qanuna əsasən, bu hüquqdan yalnız müəyyən şərtlərə cavab verən şəxslər yararlana biləcək. Xəstə yetkin olmalı, Fransa vətəndaşı və ya ölkədə daimi və qanuni yaşayış statusuna malik olmalı, ağır və sağalmaz xəstəliyin terminal və ya irəliləmiş mərhələsində olmalı, dözülməz fiziki ağrılar keçirməlidir. Həmçinin şəxsin son ana qədər məlumatlandırılmış qərar vermək qabiliyyətinə malik olması tələb olunur.
Fransada meşə yanğınları - 197 mindən çox insan təxliyə edilib
Fransanın cənub-qərbində meşə yanğınları səbəbindən 197 mindən çox insan təxliyə edilib. Salon sakini Məhəmməd Laabar ailəsi ilə birlikdə Bordoya sığınsa da, tüstü həmin şəhərə də çatıb. O bildirib ki, bu cür fəlakətlərin gələcəkdə daha tez-tez baş verəcəyini düşünür. Kap Ferre yarımadası yanğınlardan ən çox zərər görən ərazilərdən biridir. Prezident Emmanuel Makron yanğınlarla mübarizəyə ordunu da cəlb edib. Rəsmi məlumata görə, rekord istilər nəticəsində ölkədə təxminən 6 min əlavə ölüm qeydə alınıb. Yanğınlarla mübarizə və təxliyə tədbirləri davam edir.
Fransada son 50 ilin ən genişmiqyaslı meşə yanğını qeydə alınıb
Fransanın cənub-qərbində baş verən və 14 min hektardan artıq ərazini əhatə edən meşə yanğını ölkədə son 50 ilin ən böyük və ən dağıdıcı yanğını kimi qeydə alınıb. Nəşrin yazdığına görə, yanğın miqyasına görə 2022-ci ildə Jironda departamentinin Landira kommunasında baş vermiş və 12,5 min hektardan çox meşə sahəsini məhv etmiş yanğını geridə qoyub. Hazırkı yanğının əhatə etdiyi ərazi artıq Paris şəhərinin ümumi sahəsindən də böyükdür.
Fransa meşə yanğınları ilə mübarizə üçün Aİ-dən yardım istəyib
Fransa Atlantik okeanı sahillərində baş verən genişmiqyaslı meşə yanğınları ilə mübarizə aparmaq üçün Avropa İttifaqından (Aİ) yardım tələb edib. Fransa Prezidenti Emmanuel Makron bildirib ki, ölkədə, xüsusilə Jirond (Gironde) bölgəsində vəziyyət hələ də "son dərəcə gərgin" olaraq qalır.
Fransa parlament komitəsi 15 yaşdan aşağı uşaqlar üçün sosial media qadağasını təsdiqləyib
Fransa parlamentinin komitəsi 15 yaşdan aşağı uşaqlar üçün sosial media qadağasını nəzərdə tutan qanun layihəsini təsdiqləyib. Prezident Emmanuel Makron qadağanın sentyabr ayına qədər qüvvəyə minməsini istəyir. Yeni qaydalar sosial şəbəkələrdə yaş yoxlaması sistemlərinin tətbiqini tələb edəcək. Fransa Avstraliyanın ardınca belə məhdudiyyət tətbiq edən ölkələrdən biri ola bilər. Avropa İttifaqında da uşaqların sosial media istifadəsinə nəzarətin gücləndirilməsi müzakirə olunur. Qanun layihəsi parlament və Senatda ayrıca müzakirə ediləcək. Layihə məktəblərdə smartfon istifadəsinə də məhdudiyyət gətirə bilər.
Makron və Merts müdafiə sahəsində əməkdaşlığı genişləndirir
Almaniya kansleri Fridrix Merts və Fransa Prezidenti Emmanuel Makron Köln yaxınlığındakı Nörvenix Hərbi Hava Bazasında keçirilən 26-cı Fransa–Almaniya Nazirlər Şurasının iclasından sonra müdafiə, Ukrayna və Çinlə bağlı əməkdaşlığın genişləndiriləcəyini açıqlayıblar.
Fransa Hörmüzə alternativ neft yolu kimi Suriyanı araşdırır
Fransa Körfəz neftinin daşınması üçün Hörmüz boğazına alternativ marşrut kimi Suriyanın imkanlarını araşdırır. Xarici işlər naziri Jan-Noel Barro enerji təhlükəsizliyinin təmin olunması üçün müxtəlif nəqliyyat dəhlizlərinin yaradılmasının vacibliyini bildirib. Onun sözlərinə görə, məqsəd qlobal bazarların hər hansı bir marşrutdakı məhdudiyyətlərdən asılılığını azaltmaqdır. Fransa rəhbərliyi Hörmüz boğazındakı gərginlik fonunda alternativ enerji yollarının hazırlanmasını prioritet hesab edir. Prezident Emmanuel Makronun Suriyaya son səfəri də iki ölkə arasında əməkdaşlıq imkanlarının müzakirəsi ilə yadda qalıb.
