BAKI, VOA, Nailə Babazadə
Səhər saatlarında İsrail döyüş təyyarələri İranın paytaxtı Tehranın müxtəlif bölgələrini hədəf alıb.
VOA xəbər verir ki, Yerli medianın yaydığı məlumata görə, İsfahan şəhərində də güclü partlayış səsləri eşidilib. Hücumların şəhərin konkret hansı nöqtələrinə edildiyi barədə hələlik rəsmi açıqlama verilməyib.
Fevralın 28-dən etibarən İsrail və ABŞ-ın İrana qarşı başlatdığı hərbi əməliyyatlar genişlənməkdə davam edir. İran tərəfi bu hücumlara cavab olaraq İsraillə yanaşı, ABŞ bazalarının yerləşdiyi Qətər, Birləşmiş Ərəb Əmirlikləri və Bəhreyn kimi ölkələrdəki müəyyən hədəfləri vurduğunu açıqlayıb.
Qeyd edək ki, davam edən hücumlar nəticəsində İranın ali rəhbəri Ayetullah Əli Xameneyi daxil olmaqla, bir çox yüksək rütbəli rəsmi həyatını itirib. İran Qızıl Aypara Cəmiyyətinin son məlumatına görə, bombardmanlar nəticəsində ölənlərin sayı 555-ə çatıb, 747 nəfər isə yaralanıb.
