BAKI, VOA, Nailə Babazadə
İran Qızıl Aypara Cəmiyyətinin son məlumatına görə, ABŞ və İsrail koalisiyasının həyata keçirdiyi hava hücumlarında həyatını itirənlərin sayı daha 232 nəfər artaraq 787-yə çatıb. Bombardmanların miqyası genişləndikcə sivil itkilərin sayı sürətlə artmaqda davam edir.
VOA xəbər verir ki, "Mehr" xəbər agentliyinin yaydığı məlumata əsasən, hücumlar zamanı Həmədan şəhəri başda olmaqla, bir çox mülki yaşayış məntəqəsi birbaşa hədəfə alınıb. Dağıntılar altında qalan çox sayda binanın yerlə-yeksan olduğu, xilasetmə işlərinin isə davam etdiyi bildirilir. Saatlar keçdikcə sivil itkilərin real miqyası daha da aydınlaşır.
Hücumların intensivliyi paytaxt Tehranın sivil infrastrukturuna da ciddi zərər vurub. Bəzi tibb müəssisələrinin hava zərbələri nəticəsində sıradan çıxdığı, bu səbəbdən yaralıların təxliyəsində və müalicəsində ciddi çətinliklərin yarandığı qeyd olunur. Regional gərginlik fonunda ölkədə humanitar vəziyyət getdikcə ağırlaşır.
