ABŞ Prezidenti Hörmüz boğazının açılması üçün İrana verdiyi möhləti uzadıb

Fars körfəzinin ən strateji keçid məntəqəsi olan Hörmüz boğazı ətrafında gərginlik kritik həddə çatıb. ABŞ və İsrailin hücumlarından sonra İranın boğazı bağlaması fonunda Prezident Donald Tramp bölgədəki mühüm adaları hədəf alan hərbi planlarını yenidən gündəmə gətirib. Tramp müttəfiqlərindən boğazın açılması üçün hərbi dəstək tələb etsə də, bu müraciət gözlənilən reaksiyanı verməyib. Bunun ardınca ABŞ prezidenti İranın əsas neft ixrac terminalı olan Xark adasını işğal etməklə hədələyib. Martın 15-də adaya hava zərbələri endirildiyini elan edən Tramp, hələlik neft anbarlarının hədəf alınmadığını vurğulayıb.

27 Mart 2026 13:45

BAKI,VOA, Nailə Babazadə

VOA xəbər verir ki, Tramp müttəfiqlərindən boğazın açılması üçün hərbi dəstək tələb etsə də, bu müraciət gözlənilən reaksiyanı verməyib. Bunun ardınca ABŞ prezidenti İranın əsas neft ixrac terminalı olan Xark adasını işğal etməklə hədələyib. Martın 15-də adaya hava zərbələri endirildiyini elan edən Tramp, hələlik neft anbarlarının hədəf alınmadığını vurğulayıb.

Trampın növbəti hədəsi İranın daxili enerji sisteminə yönəlib. O, Hörmüz boğazının 48 saat ərzində açılmayacağı təqdirdə ölkənin elektrik şəbəkəsini vuracağını bəyan etsə də, bu müddəti bir neçə dəfə uzadıb. Martın 24-də verilən 5 günlük möhlət, dünənki qərarla daha 10 gün ertələnib.

Hazırda ABŞ administrasiyası hərbi təzyiq və strateji hədələr vasitəsilə Tehran rəhbərliyinə qarşı psixoloji müharibəni davam etdirərək boğazı yenidən açmağa çalışır.