BAKI,VOA, Fərid Mikayılov
Beynəlxalq Atom Enerjisi Agentliyi (BAEA) ABŞ və İsrailin 2025-ci ilin iyununda İranın nüvə obyektlərinə hücumlarından sonra İranın nüvə obyektlərini yoxlaya bilməyib.
VOA xəbər verir ki, BAEA bildirib ki, “İranda zənginləşdirilmiş uran ehtiyatlarının həcmi, tərkibi və yerləşməsi barədə heç bir məlumat təqdim etmək mümkün deyil və İranın zənginləşdirmə ilə bağlı bütün fəaliyyətləri dayandırıb-dayandırmadığı məlum deyil”.
Hesabatda, həmçinin BAEA-nın Nüvə Silahlarının Yayılmasının Qarşısının Alınması Müqaviləsi çərçivəsində İrandakı nəzarət vəzifələrini yerinə yetirə bilmədiyi vurğulanıb. Agentlik Tehranı öhdəliklərini yerinə yetirməyə çağırıb və bunu “vacib və təcili” hesab edib.
Əvvəlki hesabatdan sonra yalnız Buşehr nüvə elektrik stansiyası 1-3 iyun tarixlərində yoxlanılıb. Son rəsmi göstəricilər İranın 60 faiz saflıqla zənginləşdirilmiş 440,9 kq (972 lb) urana malik olduğunu göstərir ki, bu, silah səviyyəsinə texniki olaraq yaxın bir göstəricidir.
