BAKI,VOA,Yusif Şərifzadə
ABŞ Dövlət katibi Marko Rubio Hörmüz boğazından keçən gəmilərdən hər hansı ödəniş və ya rüsum alınmasının mümkün olmadığını bildirib.
VOA xəbər verir ki, o bu barədə açıqlamasında beynəlxalq su yollarından istifadə üçün ödəniş tələb edilməsinin qəbulolunmaz olduğunu vurğulayıb.
Rubio qeyd edib ki, belə bir mexanizmə qarşı bütün dünya ölkələri çıxış edəcək.
O əlavə edib ki, ABŞ Prezidenti bu mövqe ilə bağlı artıq açıq fikir bildirib və bu istiqamətdə dəyişiklik olmayacaq.
ABŞ rəsmisi Körfəz regionundakı ölkələrin də bu yanaşmanı dəstəkləyəcəyini düşündüyünü bildirib.
Xatırladaq ki, İran Hörmüz boğazından keçən gəmilərin təhlükəsiz keçidi üçün ödəniş mexanizmi təklif etmişdi. Bu boğaz dünya neft və qaz daşımalarının təxminən beşdə birinin keçdiyi strateji su yoludur.
