BAKI,VOA,Yusif Şərifzadə

ABŞ-nin sabiq dövlət katibi Con Kerri bildirib ki, son hərbi qarşıdurmalardan sonra İran özünü əvvəlkindən daha güclü hiss edir.

VOA xəbər verir ki, 2013–2017-ci illərdə ABŞ-nin dövlət katibi vəzifəsində çalışmış Con Kerri bu fikirləri televiziya proqramına müsahibəsində səsləndirib.

O qeyd edib ki, İran indiyədək üzləşdiyi hərbi hücumlara tab gətirdiyi üçün yeni güc hissi qazanıb.

Con Kerri 2015-ci ildə ABŞ və digər dünya dövlətləri ilə İran arasında imzalanmış nüvə sazişinin əsas danışıqlar aparan nümayəndələrindən biri olub.

Sabiq dövlət katibi ABŞ nümayəndə heyətini İranla aparılan danışıqlarda ehtiyatlı davranmağa çağırıb.

Onun sözlərinə görə, İran qeyri-ənənəvi müharibə üsullarını yaxşı anlayır və bu strategiyadan dünyada ən səmərəli istifadə edən ölkələrdən biridir.

Kerri bildirib ki, son hadisələr də məhz bu yanaşmanın praktik nəticələrini nümayiş etdirib.