BAKI,VOA,Yusif Şərifzadə
ABŞ ilə İran arasında Hörmüz boğazının yenidən açılması ilə bağlı mümkün razılaşma gözləntiləri dünya bazarında neftin qiymətinin kəskin ucuzlaşmasına səbəb olub.
VOA xəbər verir ki, Vaşinqtonun yaxın vaxtlarda Tehranla razılığa gələ biləcəyinə dair açıqlamalardan sonra neft tədarükü ilə bağlı narahatlıqlar zəifləyib.
Məlumata görə, ABŞ-ın əsas neft etalonu olan West Texas Intermediate (WTI) markalı xam neftin qiyməti 5 faiz azalaraq bir barel üçün 76,32 dollara düşüb.
Beynəlxalq etalon hesab olunan Brent markalı Şimal dənizi neftinin qiyməti isə 80 dollar həddindən aşağı enib.
Son aylarda Hörmüz boğazında yaranmış gərginlik və xam neft tədarükünün pozulacağı ilə bağlı narahatlıqlar enerji qiymətlərinin sürətlə bahalaşmasına səbəb olmuşdu.
