Bakı,AzerVoice
Özbəkistan Respublikasının Prezidenti Şavkat Mirziyoyevin Birləşmiş Ərəb Əmirliklərinə rəsmi səfəri çərçivəsində tədbirlər başa çatıb.
AzerVoice xəbər verir ki, Özbəkistan lideri Əmirliyin paytaxtı Əbu-Dabidə BƏƏ prezidenti Şeyx Məhəmməd bin Zayed Əl Nəhyan, ölkənin aparıcı dövlət təşkilatlarının, şirkətlərinin və banklarının rəhbərləri ilə görüşlər keçirib.
Danışıqların sonunda ikitərəfli sənədlər toplusu, o cümlədən strateji tərəfdaşlığın yaradılmasına dair bəyannamə qəbul edilib.
Mirziyoyev, “Əbu-Dabi Davamlı İnkişaf Həftəsi” beynəlxalq sammitinin açılış mərasimində və davamlı inkişaf sahəsində Şeyx Zayed adına mükafatın təqdimetmə mərasimində iştirak edib, plenar iclasda bir sıra mühüm təşəbbüslər irəli sürüb.
Həmçinin, Dubayda Birləşmiş Ərəb Əmirliklərinin vitse-prezidenti, baş naziri, Dubay əmiri Şeyx Məhəmməd bin Rəşid Əl Məktum ilə danışıqlar aparılıb.
