Bakı, AzerVoice
İsrailin ikinci mərhələ danışıqlarına başlamaqda tərəddüd etməsi və mobil evlərin daxil edilməsinə icazə verməməsi atəşkəs sazişinə sadiq olmadığını təsdiqləyir.
AzerVoice xəbər verir ki, bu haqda HƏMAS-ın verdiyi açıqlamada deyilir.
Açıqlamada HƏMAS, vasitəçi dövlətləri İsraili humanitar protokolun bütün maddələrini yerinə yetirməyə və dərhal ikinci mərhələ danışıqlarına başlamağa məcbur etməyə çağırıb.
HƏMAS həmçinin, İsrailin Rəfah şəhərinin şərqinə etdiyi hücumun atəşkəs sazişinin ciddi şəkildə pozulması kimi qiymətləndirilib.
Qeyd edək ki, bu səhər İsrail pilotsuz uçuş apparatlarının Rəfah şəhərinin şərqində həyata keçirdiyi hücum polis qüvvələrini hədəf alıb. Hücum nəticəsində üç polis əməkdaşı şəhid olub. Hərəkat bu hücumu atəşkəsin ciddi pozulması kimi qiymətləndirib.
Bundan əlavə, İsrailin ikinci mərhələ danışıqlarına başlamaqda tərəddüd etməsi, onun vasitəçilərin himayəsi altında bağlanan və beynəlxalq ictimaiyyətin şahid olduğu razılaşmaya ciddi yanaşmadığını göstərir. HƏMAS İsrailin baş naziri Netanyahunu əsirlərin mübadiləsi prosesini ləngitmək və daha çox soyqırım törətmək üçün razılaşmanı pozmağa çalışmaqda günahlandırıb.
Digər tərəfdən, İsrail mediası baş nazir Benyamin Netanyahunun ötən gecə keçirilən təhlükəsizlik müşavirəsində Qəzzaya mobil evlərin və dağıntıların təmizlənməsi üçün texnikanın daxil edilməsinə icazə verməkdən imtina etdiyini bildirib. İsrail baş nazirinin rəhbərlik etdiyi təhlükəsizlik müşavirəsindən sonra mobil evlər məsələsinin qarşıdakı günlərdə müzakirə ediləcəyi qərara alınıb və İsrail bu məsələdə ABŞ ilə tam koordinasiya içindədir.
